Կմեկնարկի «Հայաստանը խաղաղության խաչմերուկում» ֆոլկլորային փառատոնը

Երևանից կմասնակցեն «Տոնացույց», «Տարոնցիներ», «Ակունք», «Սասուն», «Մասունք», «Վարք հայոց», Նարեկացի արվեստի միության ժողովրդական գործիքների, Բյուրականից` «Կաթնաղբրիկ», «Խնդում», Ուջանից` «Կարոտ», Ներքին Բազմաբերդից` «Գորանի» խմբերը, Սասունիկի և Աշնակի ազգագրական համույթները, Աշտարակի Ն. Սիսակյանի անվան, Բյուրականի Հ. Թումանյանի անվան և Անտառուտի միջնակարգ դպրոցների սաները:

 

Փառատոնին կմասնակցեն նաև Բուլղարիայից «Նյուանս», Հնդկաստանից «Բոբբիդանս» ազգային պարի, Իրանի Իսլամական Հանրապետությունից «Ռահավարդե Պարսիան» ժողովրդական գործիքների խմբերը: Փառատոնի բացման արարողությունը տեղի կունենա սեպտեմբերի 9-ին ժամը Բյուրականի Հ. Թումանյանի անվան դպրոցում, եզրափակիչ համերգը` սեպտեմբերի 13-ին Երևանի Առնո Բաբաջանյանի անվան համերգային դահլիճում:

 

Փառատոնի ընթացքում տեղի կունենան մի շարք միջոցառումներ` համերգներ, երթեր, ցուցահանդեսներ: Մասնակից խմբերի համար կկազմակերպվեն ճանաչողական այցելություններ Հայաստանի պատմամշակութային վայրեր:

 

Աղբյուրը՝ Mincult.am