Կայացել է մագիստրոսական դիպլոմների հանձնման արարողությունը

 

Ֆակուլտետի շրջանավարտներին շնորհավորել է դեկան Գագիկ Ղազինյանը, ով մասնագիտական ձեռքբերումներ և անձնական երջանկություն է մաղթել բոլորին: «Սիրելի՛ համալսարանականներ, դուք այսօր նոր կյանք եք սկսում: Մայր բուհում դուք անցկացրել եք ձեր կյանքի լավագույն տարիները: 

 

Մենք ջանք չենք խնայել ձեզ որպես մասնագետ, որպես համալսարանական և որպես անհատ դաստիարակելու գործում, և կարծում եմ, որ դա պարտավորեցնում է ձեզ բարձր պահել բուհի և, մասնավորապես՝ ֆակուլտետի պատիվը»,-նշել է Գագիկ Ղազինյանը:

 

Ավարտական հանձնաժողովի անդամ, ՀՀ վճռաբեկ դատարանի քրեական պալատի նախագահ Դավիթ Ավետիսյան էլ ապագա իրավաբաններին խորհուրդ է տվել խելամտորեն օգտագործել գիտելիքները և անընդհատ կատարելագործվել:

 

Աղբյուրը՝ Ysu.am