«Բացահայտի´ր Եվրոպան»՝ կրթական նոր խաղ «Dasaran»-ի հարթակում

Արարողությանը որպես պատվավոր հյուրեր ներկա էին Եվրոպական միության պատվիրակության Համագործակցության բաժնի ղեկավար Հոա Բին Աճեմյանը, «Dasaran» կրթական ծրագրի հիմնադիր նախագահ Սուրեն Ալոյանը և այլք:

 

«Բացահայտի´ր Եվրոպան» խաղի միջոցով հանրակրթական դպրոցի աշակերտները, ինչպես նաև Եվրոպայի, Եվրոպական միության պատմությամբ, եվրոպական մշակույթով հետաքրքրվող ՀՀ յուրաքանչյուր քաղաքացի, կծանոթանան եվրոպական երկրների պատմամշակութային, կրթական, տնտեսական և այլ ոլորտներին, կտեղեկանան Եվրոպական միության կազմավորման պատմության, Եվրամիությանը կից գործող կառույցների գործունեության մասին:

 

Ինչպես նախորդ խաղերի, այնպես էլ այս խաղի պարագայում մեծապես կարևորվել է տեղեկատվական տեխնոլոգիաների ակտիվ կիրառումը, որն առավել հզոր ազդակ կդառնա այդ նույն տեխնոլոգիաների նպատակային օգտագործման և միևնույն ժամանակ տեղեկատվության ընդլայնման համար:

 

«Բացահայտի´ր Եվրոպան» խաղը հասանելի է և´ «Dasaran» կրթական ծրագրի կայքի, և´ կրթական հարթակից դուրս՝ «Facebook»-յան օգտատերերին:

 

Ի թիվս «Dasaran» կրթական ծրագրի մշակած 43 խաղի՝ այս խաղի ստեղծման հիմքում նույնպես այն համոզմունքն է, որ խաղային տարբերակով ուսուցումը կդարձնի կրթական գործընթացն առավել հետաքրքիր և հաճելի, ինչն էլ իր հերթին կնպաստի բանիմաց և կիրթ սերունդ ունենալուն: