«Ուրախ մեկնարկ» Բյուրեղավանի հիմնական դպրոցում

Մյուս աշակերտներն էլ կազմել էին պաստառներ իրենց դասարանը ներկայացնող թիմի համար և ակտիվորեն խրախուսում էին դասընկերներին ամբողջ մրցաշարի ընթացքում:

 

Սպորտլանդիայի մեկնարկն, իրոք, շատ ուրախ էր ու գեղեցիկ: Երեխաներն օլիմպիական ջահով, օղակներով ու եռագույն դրոշով ուղեկցեցին մասնակիցներին:

 

Մրցաշարը կազմված էր 9 փուլից, որոնցից յուրաքանչյուրից հետո ժյուրին դպրոցի տնօրեն տիկին Մերի Սարգսյանի նախագահությամբ պետք է գնահատեր թիմերին:

 

Մրցումներն ընդմիջվում էին դպրոցի շնորհալի աշակերտների երաժշտական կատարումներով: Ֆիզկուլտուրայի մասնագետներ Աննա Մարտիրոսյանը և Վարդան Նալբանդյանը բոլոր թիմերի համար էլ պատրաստել էին պատվոգրեր ու գավաթներ, որոնք հանձնվեցին թիմերի ավագներին դպրոցի տնօրենի կողմից մրցաշարն ավարտվելուց հետո:

 

Սպորտլանդիան անցավ շատ ջերմ ու հաճելի մթնոլորտում, գոհ էին և՛ աշակերտները, և՛ դպրոցի ուսուցչական կոլեկտիվը, և՛ ծնողները, ովքեր նստած դիտում էին իրենց երեխաների ելույթը: