Մենք աշխարհին հայտարարում ենք խաղաղություն

Միջոցառման հեղինակը Ն. Բաղդասարյանն էր, իսկ դերակատարները 7-րդ դասարանի աշակերտներն էին: Միջոցառման ընթացքում հնչեցին բանաստեղծություններ, երգեր, որոնցում արտացոլվում էին պատերազմների պատճառած ցավը, դրանց բերած չարիքները:

 

Խոսվեց պատերազմին հայ մարտիկի մասնակցության, հայ ազգի տված հերոսների մասին: Ընթերցվեցին ուսուցչուհու և աշակերտների ընտանիքներում սրբությամբ պահպանված եռանկյունաձև ծալված նամակ-բնօրինակները:

 

Երեխաները հատուկ ուշադրության արժանացրեցին Շուշիի համար մղված մարտում տարած հաղթանակին և վերջինիս նշանակությանը: Միջոցառման ողջ ընթացքը, հատկապես՝ ավարտը, պատերազմի ժխտումն էր խորհրդանշում:

 

Միջոցառմանը հրավիրված էին դպրոցի աշխատակազմը, երեխաների ծնողները, տատիկները և պապիկները: Հնչեցին շնորհակալական ջերմ խոսքեր:

 

Միջոցառումը եզրափակվեց դպրոցի տնօրեն Հ. Բեկնազարյանի հետևյալ խոսքերով՝ «Մենք արարող և խաղաղ ազգ ենք, սակայն, երբ պետք է երկիրը պաշտպանել, մենք մարտնչող և հաղթող ազգ ենք դառնում, ուստի, այո՛, եկե´ք ամբողջ աշխարհին խաղաղություն հայտարարենք»: