Նախարարն ընդունել է սկաուտական շարժման պատվիրակությանը

Պատվիրակության կազմում հանդիպմանը մասնակցել են Հայաստանի ազգային սկաուտական շարժման ներկայացուցիչները և Համաշխարհային կոմիտեի անդամները: 

 

Կարևորելով սկաուտական շարժման գործունեությունը` նախարարը մասնավորապես ընդգծել է «Խաղաղության սուրհանդակներ» առաքելության շրջանակում ՀԱՍԿ-ի նախաձեռնությամբ իրականացված «Սոցիալապես անապահով երեխաների կազմակերպական զարգացում և ներգրավվածություն» ծրագիրը:

 

Նախարարը պատրաստակամություն է հայտնել ծրագրի հնարավոր շարունակության դեպքում աջակցել դրա հաջող իրականացմանը: Համաշխարհային սկաուտական շարժման գլխավոր քարտուղար Սքոթ Թիրը ներկայացրել է շարժման հիմնական սկզբունքներն ու հիմնարար արժեքները: 

 

Նա նաև անդրադարձել է ոչ ֆորմալ դաստիարակության շարժմանը դպրոցական և համալսարանական տարիքի երիտասարդների ներգրավվածության հնարավորության խնդիրներին: 

 

Սքոթ Թիրը նաև տեղեկացրել է, որ հաջորդ տարվա հոկտեմբերին Հայաստանում նախատեսված է անցկացնել ևս մեկ մեծ միջոցառում՝ տարածաշրջանային համաժողով:

 

Աղբյուրը՝ Edu.am