Հանդիպում համալսարանականների հետ

Հանդիպման մեկնարկին նախարար Աշոտյանը խոսել է Հայաստանի և Արցախի միջև վերջին տարիներին ծավալված կրթական համագործակցության կարևոր ձեռքբերումների մասին, ինչպես նաև ներկայացրել կրթության և գիտության ոլորտում հետագա համագործակցության իր տեսլականը, որը ներառում է նաև Արցախի կրթական համակարգի միջազգային ներգրավման անհրաժեշտությունը: 

 

Նախարարն առանձնահատուկ շեշտել է երկու կողմերի միջբուհական համագործակցության զարգացման կարևորությունը և նախանշել այդ ուղղությամբ համագործակցելու մի շարք ուղղություններ: Հանդիման ընթացքում Արմեն Աշոտյանը պատասխանել է նաև պրոֆեսորադասախոսական կազմի և ուսանողների հարցերին:

 

ՀՀ կրթության և գիտության նախարար Արմեն Աշոտյանին ընդունել է նաև Արցախի Հանրապետության Ազգային ժողովի նախագահ Աշոտ Ղուլյանը: Ողջունելով հյուրին` ԼՂՀ խորհրդարանի ղեկավարը կարևորել է նման հանդիպումների արդյունավետությունը կրթության ու գիտության ոլորտում` օրենսդրական բնույթի խնդիրների լուծման և փորձի փոխանակման տեսանկյունից: 

 

Ներկայացնելով ՀՀ Ազգային ժողովում շրջանառվող կրթական ոլորտի բարեփոխումներին վերաբերող օրենսդրական նախաձեռնությունները` ՀՀ ԿԳ նախարարն ընդգծել է օրենսդրական դաշտում ներդաշնակ քայլերի սերտ համագործակցության կարևորությունը:

 

Քննարկվել են կրթության և գիտության ոլորտներում առկա խնդիրներին ու օրենսդրական բարեփոխումների ընթացքին առնչվող հարցեր: Հանդիպմանը մասնակցել են նաև ԼՂՀ ԿԳ նախարար Սլավա Ասրյանը, ճարտարապետության և շինարարության Հայաստանի ազգային համալսարանի ռեկտոր Գագիկ Գալստյանը:

 

Աղբյուրը՝ edu.am