ԵԱՀԿ Երևանի գրասենյակը հայտարարում է մրցույթ

1. Ինչու՞ է ժողովրդավարական զարգացումը կարևոր Հայաստանի համար:
2.  Որո՞նք են կողմ և դեմ տեսակետները Հայաստանի ժողովրդավարական զարգացման համար: 
3.  Ի՞նչ կարող եմ անել ես Հայաստանի ժողովրդավարական զարգացման համար:
4. Ո՞րն է երիտասարդների դերը Հայաստանի ժողովրդավարական զարգացման հարցում:

Շարադրությունները պետք է`

 

Յուրաքանչյուր դիմող կարող է ներկայացնել միայն մեկ շարադրություն՝ ընտրելով վերը նշված 4 թեմայից որևէ մեկը: Լավագույն աշխատանքների հեղինակները կանցնեն հարցազրույց և ընտրված 20 աշակերտ հնարավորություն կստանա մասնակցելու ԵԱՀԿ Երևանի գրասենյակի նախաձեռնած «Ժողովրդավարության ամառային դպրոց» ծրագրին: 

 

Ծրագիրը ներառում է մեկշաբաթյա ուսումնական սեմինարներ Երևանում՝ նվիրված ժողովրդավարական զարգացման, մարդու իրավունքների և երիտասարդության կարողությունների զարգացմանը:  

 

Ծրագրի շրջանակում կկազմակերպվեն  մի շարք հանդիպումներ ոլորտի լավագույն մասնագետների հետ,  ծանոթացման այցեր հանրային/պետական հաստատություններ (օրինակ՝ Ազգային ժողով, ԱԳՆ, Կենտրոնական ընտրական հանձնաժողով, Օմբուդսմենի գրասենյակ), ոչ-կառավարական կազմակերպություններ, գրադարաններ և այլն:  

 

Ծրագրի նպատակն է խթանել ավագ դպրոցների աշակերտների՝ իրավագիտության իմացությունը, քաղաքացիական մասնակցությունը և տեղեկացնել երիտասարդներին ընտրական իրավունքի և ժողովրդավարության հիմնական սկզբունքների մասին: Ծրագրի ավարտին մասնակիցները կստանան հավաստագրեր և խրախուսական նվերներ:

 

ԵԱՀԿ Երևանի գրասենյակը կհոգա մարզերից դիմորդների տրանսպորտային և կեցության, ինչպես նաև կրթական նյութերին առնչվող ծախսերը:

 

Հայտերն ընդունվում են մինչև 2015թ. ապրիլի 20-ը: Հայտերը պետք է ներկայացվեն առձեռն ԵԱՀԿ Երևանի գրասենյակ (հասցե՝ Սունդուկյան 64/1) կամ ուղարկվեն հետևյալ էլ հասցեով` [email protected]:

 

Լրացուցիչ տեղեկությունների համար զանգահարել (010) 22 96 12 կամ (010) 22 96 11 հեռախոսահամարներով (Սոֆի Գրիգորյան):