«Հայոց մեծերի մեծ սերերը»

Դահլիճը զարդարված էր ծաղիկներով, հայոց մեծերի դիմանկարներով: Ուշագրավ էին նանց սիրո ներշնչանքի էակների նկարները և նրանց ձեռագիր նամակների վերատպությունները: Միջոցառումն սկսվեց ուսուցչի մուտքի խոսքով և հոգեպարար երաժշտությամբ:

 

Ցուցադրվեցին լուսանկարներ, նամակներ, ասույթներ (համակարգչային ձևավորումը 8-րդ դասարանի աշակերտուհի Լոլիտա Բաշոյան): 8-րդ դասարանցիները գեղեցիկ ասմունքով ներկայացրեցին սիրո քնարերգությունը՝ սկսած Նահապետ Քուչակից մինչև Պարույր Սևակ:

 

Բանաստեղծություններից զատ, աշակերտները հաջորդաբար ներկայացրեցին Սայաթ -Նովայի, Աբովյանի, Իսահակյանի, Թումանյանի, Չարենցի, Սևակի առաջին սիրո փոքրիկ պատմությունները:

 

Էկրանին իրար էին հաջորդում այն կանանց գեղեցիկ դիմանկարները, որոնք դարձել էին բանաստեղծների մուսաները: Առավել հուզիչ էր սիրո նամակների ընթերցումը տղաների շուրթերից: 

Միջոցառման ավարտին դպրոցի տնօրենը շնորհավորեց բոլոր կանանց և աղջիկներին գարնան տոնի առթիվ: