Դաս-միջոցառում՝ Զովաբերի միջնակարգ դպրոցում

Զովաբերի միջնակարգ դպրոցի չորրորդ դասարանը ներկայացավ «Ջուրն հրաշք է» թեմայով դաս-միջոցառմամբ: Սկզբում աշակերտները մեկ անգամ ևս հիշեցին, թե ինչ է անհրաժեշտ բույսերին աճի և զարգանալու համար: Այնուհետև այդ բաղադրիչներից առանձնացվեց ջուրը: Ներկայացվեց բեմադրություն այն մասին, թե ինչպես է ջուրը փրկում անապատում հայտնված մարդու կյանքը: Ապա ներկաները վայելեցին Նարեկի «Հայրենիքի ջուրը» երգի կատարումը: Երեխաները հիշեցին բարեմաղթանքներ, ասույթներ և ասացվածքներ ջրի մասին: Անդրադարձան այն հարցին, թե ինչ նշանակություն է ունեցել ջուրը հայ ժողովրդի համար, ինչ սովորույթներ կան, որոնք մինչև այսօր պահպանել է ջրասեր ու ջրաշինարար մեր ժողովուրդը: Մեկ անգամ ևս հիշեցին Նարեկացու խոսքը ջրի շրջապտույտի և Շիրակացու ուսումնասիրությունները «բնության արյունը» համարվող ջրի մասին: