Եզրափակվում է միջազգային մրցույթը

Մրցույթին մասնակցել է Հայաստանի բոլոր մարզերի և Արցախի 302 դպրոցի 2-12-րդ դասարանների 8010 աշակերտ: Մրցույթի արդյունքներն ամփոփվել են: «Ռուսական արջուկն» Հայաստանում այս տարի ունի 409 մրցանակակիր, որոնցից 146-ն արձանագրել են լավագույն արդյունք:

 

«Ռուսական արջուկին» Հայաստանի և Արցախի աշակերտները մասնակցում են մեծ սիրով ու հետաքրքրությամբ: Դրա մասին փաստում են մասնակիցների ակտիվության ցուցանիշները և մրցանակակիրների քանակը, որը տարեցտարի աճում է:

 

Երեխաների այսպիսի ակտիվությունը ևս մեկ անգամ գալիս է ապացուցելու, որ հայ դպրոցականներն ամեն տարի սիրով ու ոգևորությամբ են մասնակցում աշխարհում տարբեր առարկաներից անցկացվող ամենազանգվածային մրցույթներին:

 

Աղբյուրը՝ www.panorama.am