Հայոց բանակը 23 տարեկան է

Հայոց ազգային բանակը ողջ հայության բանակն է, նրա դարավոր փառքի կենդանի վկայությունը, երկրի սիրտն ու իր գենի արծվաթռիչք զարկերակը, նա մեր ուժն է, մեր անխոցելի հպարտությունն ու թշնամու սարսափը:

 

Ոչ թշնամու դիվերսիաները, ոչ դիպուկահարների մարդաորսությունը չեն կարող ազդել իր սուրբ հողի պահապան հայ զինվորի կամքի ու արիության վրա: Հայոց բանակին մաղթում ենք դժվար փորձությունների մեջ կռած մեծագույն ձեռքբերումները, հերոսաբար կերտած հաղթանակները և ազատագրված Արցախը պահպանելու, ինչպես նաև արիական ուժի ու միասնության շնորհիվ հայոց հայրենիքը՝ որպես սրբություն պաշտպանելու, սերունդներին ազգային բանակի նվիրական ուժի անպարտելիությունը պատգամելու, հայոց ոգու կենսունակությունը կենդանի պահելու աննկուն կամք, արիություն և հայկական ինքնապաշտպանության անխոցելի մարտավարություն:

 

Այս խոսքերով հանդիսավոր միջոցառումը բացեց Անուշ Հայրապետյանը, որին մասնակցում էին Ճամբարակի զինկոմիսարիատի պատվիրակաները մայոր Ապրեսյանի գլխավորությամբ: Նրանք պաշտպանության նախարար Սեյրան Օհանյանի շնորհավորնքները հղեցին Դպրաբակի ուսուցիչներին, ծնողներին, աշակերտներին և դպրաբակցի բոլոր զինվորներին, որոնք այս պահին հսկում են հայոց երկրի սահմանները: