Առիթմիկ սրտխփոցը՝ երաժշտության ռիթմի հիմք

Միչիգանի և Վաշինգտոնի համալսարանների համատեղ ուսումնասիրությունը ցույց է տվել, որ անսովոր ռիթմերը, որոնք լսվում են Բեթհովենի ամենանշանավոր գործերում, նման են առիթմիայով տառապող մարդու սրտխփոցին, որով էլ տառապելիս է եղել Բեթհովենը` ըստ նոր հետազոտության:

 

«Կենսաբանության և բժշկագիտության հեռանկարներ» ամսագրում հրապարակված հոդվածում հետազոտողները, որոնց թվում են սրտաբան, բժշկագետ-պատմաբան և երաժշտագետ, նկարագրել են կապը գերմանացի անվանի կոմպոզիտորի սրտի հավանական հիվանդության և նրա երաժշտության միջև:

 

Գիտնականներն ուսումնասիրել են Բեթհովենի մի շարք ստեղծագործությունների ռիթմիկ նշանները` գտնելու կապը նրա հիվանդության և երաժշտության միջև, և իսկապես հայտնաբերել են, որ նրա հայտնի գործերից շատերի ռիթմն արտացոլում է սրտի առիթմիկ բաբախյունը:

 

Աղբյուրը՝ www.tert.am