Ամանորն Արագյուղի «Տիգրանակերտ կրթարան» միջնակարգ դպրոցում

Տարբեր դասարաններից ընտրված էին շնորհալի աշակերտներ, որոնք իրենց աշխույժ երգ ու պարով, ասմուքով, հետաքրքիր խաղերով զվարճացրեցին ներկաներին:

 

Տոնն ավելի գունեղ ու վառ դարձրեցին Ձմեռ պապն ու Ձյունանուշը, ովքեր միջոցառման սկզբից մինչև վերջ ներկա եղան երեխաների զվարթ երգ ու պարին: Այդ օրը դարձավ անմոռանալի տոն դպրոցի երեխաների համար:

 

Վերջում ներկաներին շնորհավորանքի խոսքեր ասաց դպրոցի տնօրեն Ա. Պետրոսյանը`մաղթելով, որ բոլոր երեխաներն ապրեն խաղաղ երկնքի տակ, ուրախ ու երջանիկ, այնպես, որ նրանց յուրաքնչյուր օրը լինի անակնկալներով և ուրախություններով լի: Թո´ղ բոլոր ընտանիքներում հյուրընկալվի ամանորյա հրաշքը: