Յուրատեսակ միջոցառում Ծիլքարի միջնակարգ դպրոցում

Միջոցառումը նպատակ ուներ աշակերտների մեջ սեր և հետաքրքրություն արթացնել մեր հոգևոր գանձարանի նկատմամբ, հորդորել զգալու հոգևոր երգը և գիտակցելու մշակութային արժեքների դերը:

 

Միջոցառումը տրամադրող էր, կարծես ամեն ինչ աննյութացել էր, և միայն երգի ելևէջներն էին թրթռում  և խոսում մարդկանց հոգիների հետ: Եվ աշակերտները, և ուսուցիչները, և հրավիրված ներկաները համակ ուշադրությամբ լսեցին կատարումները և մեծ բավականություն ստացան:

 

Միջոցառումն իր դաստիարակչական ելույթով ամփոփեց տեր Մուշեն, որի հիմնական ասելիքը ազգային արժեքների գնահատումն ու պահպանումն էր:

 

Շնորհակալական խոսքեր ասացին դպրոցի տնօրենը, ուսուցիչները, մյուս ներկաները` խնդրելով, որ նման միջոցառումները շարունակական լինեն: Միջոցառումն ավարտվեց աղոթքով: