Երգը բարեկամության կամուրջ է

Ցերեկույթի սկզբում հնչեցին երկու պետությունների հիմները: Այնուհետև աշակերտները ասմունքեցին ստեղծագործություններ՝ նվիրված հայ և ռուս ժողովուրդների դարավոր բարեկամությանը:

 

IX դասարանի աշակերտները համառոտ տեղեկություններ հայտնեցին, թե երբ է Ռուսաստանում հիմնվել առաջին հայկական համայնքը և ինչպես են օգնել հայերին Եկատերինա II թագուհին, Ռուսական Ալեքսանդր I կայսրը, մարշալ Սուվորովը: Նշվեց նաև Ալեքսանդր Գրիբոյեդովի մեծ դերը 1828 թվականի Թեհրանում Թուրքմենչայի պայմանագիրը կնքելիս, որից հետո նա դաժանորեն սպանվեց:

 

Ցերեկույթի ընթացքում աշակերտները պարեցին հայկական և ռուսական ժողովրդական պարեր և երգեցին ռուսական ժողովրդական երգեր՝ “Во поле береза стояла”, “С чего начинается Родина?”, “Куда уходит детство”, ”Мы желаем счастье Вам!”:

 

Ցերեկույթը նպատակային բնույթ ունեցավ: Աշակերտները կարողացան գեղեցիկ ձևով ներկայացնել հայ և ռուս ժողովուրդների դարավոր բարեկամությունը, որն այսօր էլ շարունակվում է ի նպաստ մեր ժողովրդի:

Միջոցառումն ուներ նաև դաստիարակչական և գեղագիտական մեծ նշանակություն: Միջոցառմանը ներկա էին դպրոցի տնօրինությունը, ուսուցիչներ, ծնողներ, աշակերտներ: