Բաց դաս Մերձավանի միջնակարգ դպրոցում

Խմբային ուսումնական եղանակով պատրաստված աշխատանքները ներկայացվեցին «Զբոսանք պատկերասրահով» մեթոդով, որին հաջորդեց բեմականացումը, անձնավորված գոյականը, ածականը և թվականն իրենց «զավակներով»՝ քերականական հատկանիշներով, ներկայացան, բանավիճեցին, որոշեցին իրենց տեղն ու դերը խոսքում:

 

«Ճիշտ, թե սխալ» բաժինն իրականացավ «Հարց ու պատասխանի» մեթոդով: Դասի վերջում հայտնվեց անձնավորված «Դերանունը»՝ բացահայտելով իր կարևոր դերը խոսքում, հստակ օրինակներով ցույց տալով, որ ինքը կարող է գործածվել վերոհիշյալ խոսքի մասերի փոխարեն՝ առանց դրանք անվանելու:

 

Դասը վարեց առարկայական մասնախմբի ղեկավարը՝ հայոց լեզվի և գրականության ուսուցչուհի Զինա Ջիվանյանը: