Ավետարանական առակները հայ դպրոցում

Հանրապետության բոլոր դպրոցներում անցկացվեցին միջոցառումներ: Վարդենիսի Հ. Համբարձումյանի անվան ավագ դպրոցում նույնպես կազմակերպվել էր միջոցառում, որը նախաձեռնել էր Հայոց եկեղեցու պատմություն առարկան դասավանդող Բելլա Սարգսյանը:

 

Միջոցառմանը մասնակցում էին Վարդենիս քաղաքի քահանա Տեր-Տարոնը, դպրոցի տնօրեն Ո. Ոսկանյանը և ողջ ուսուցչական անձնակազմը: Տարածքային փուլում հաղթող ճանաչվեց Հ. Համբարձումյանի անվան ավագ դպրոցում կազմակերպված միջոցառումը և ներկայացվեց մարզային փուլում:

 

Սույն ծրագրի նպատակն էր ՀՀ հանրակրթական դպրոցների աշակերտներին հաղորդակից  դարձնել Աստվածաշնչի ճշմարտություններին: Միջոցառումն անցավ անկաշկանդ մթնոլորտում, աշակերտների ասմունքն անթերի էր և տպավորիչ: Միջոցառումը  եզրափակեց Տեր-Տարոն քահանան, ով ամբողջացրեց միջոցառման դաստիարակչական նշանակությունը և խորհուրդը: