Մրգահանդես-ցուցահանդես Չարենցավանի թիվ 5 դպրոցում

Այստեղից էլ ծագեց վիճաբանությունը, որը քիչ էր մնում վերածվեր պատերազմի: Զայրութից կանաչ դարձած ձմերուկն օգնության կանչեց իր ընկեր բանջարեղեններին:  Եվ ահա վարունգը, սեխը և այլ բանջարեղենները մի մեծ բանակ կազմեցին:

 

Ի վերջո, նրանց հաջողվեց իրենց տեղը գրավել գնացքում և առաջ շարժվել: Այնուհետև կրկին հայտնվեց զատիկն ու հայտարարեց մրցույթի կանոնները՝ հաղթողը պետք է ներկայացներ իրեն՝ շեշտելով իր առանձնահատկություններն ու օգտակարությունը:

 

Պարզվեց, որ խաղողն ամենից պիտանին է և օգտակարը. նրանից պատրաստում են մուրաբա, քացախ, խաղողահյութ և այլն: Իսկ ահա նրա ճյուղերն իսկական հարստություն են գեղանկարիչների  համար.  դրանցից ստացվում է նկարչական ածուխ:

 

Խաղողը զարդարում է նաև տոնական սեղանը: Գաղտնիք չէ, որ չամիչը ստացվում է այս հատիկավոր մրգից, իսկ ավանդական տոլման պատրաստվում է նրա թփերից: Խաղողից պատրաստում են նաև գինի, կոնյակ և օղի:

 

Եվ ահա բանջարեղենները, որ մինչ այդ մարտական ոգով էին ելել թատերաբեմ, տեսնելով խաղողի ուժը, միաձայն առաջարկեցին թագադրել հենց նրան: Մրգերի խումբը ևս հավանություն տվեց այդ առաջարկին՝ իրենց թագավորի պատվին մի մեծ խնջույք անելով:

 

Այս միջոցառման ընթացքում բանջարեղենների և մրգերի դերերում հանդես եկող 3-ի «բ» դասարանի աշակերտները հնչեցրին նաև աշնանային երգեր: Երեխաները պարեցին հայկական-ազգագրական պարեր: Մրգահանդեսը եզրափակեց Դավիթը՝ շվիով նվագելով մուլտհերոս Գենայի «Երկնագույն վագոն» երգը: