Ինչ-որ տեղ ինչ-որ բան սխալ է…

Բեմը բաժանված էր չորս տեսարանի, յուրաքանչյուրում ներկայացված էր կյանքից վերցված երկու հակադիր իրավիճակ: Վերջին տեսարանում ցույց էր տրվում, թե որոշ ժամանակ անցնելուց հետո ինչ են զգում այն մարդիկ, ովքեր մատնվում են անտարբերության:

 

Բեմականացումն ամփոփվեց մարդու կյանքի ընթացքը խորհրդանշող մնջախաղ-պարով: Թեև ամբողջ միջոցառման ընթացքում խոսքեր չհնչեցին, սակայն մասնակիցների դերասանական խաղն ու յուրաքանչյուր տեսարանին համապատասխան երաժշտությունը այնքան խոսուն էին, որ ստիպում էին հանդիսատեսին համակ ուշադրությամբ հետևել իրադարձությունների ընթացքին և համապատասխան եզրակացություններ անել: