«Գիտակ»-ը հորդորում է՝ «Անգետի հետ փլավ մի′ կեր…»

Հանձնախմբի առաջադրանքները նպաստում էին փոքրիկների ստեղծագործական, լեզվական, մաթեմատիկական մտածողության և առհասարակ աշխարհընկալման դրսևորմանը: Նրանք մեծ ոգևորությամբ և պատասխանատվությամբ էին վերաբերում բոլոր հարցերին, կարևորում էին պատասխանների ճշգրտումները, որոնք փոքրիկներին մոտեցնում էին լավագույն մրցանակային տեղերին: 

 

Ընտրված հանձնաժողովը ևս մեծ պատասխանատվությամբ էր վերաբերում գնահատմանը` ապահովելով անկողմնակալության, անաչառության սկզբունքները, որոնց արդյունքում երեխաները կարևորեցին գիտելիքի ուժը՝ որպես ժամանակի անվերապահ առաջնային պահանջ:

 

Ցանկալի է, որ փոքրիկն այսուհետ իրեն ավելի ուժեղ համարի, երբ զինված է «գիտելիքով», երբ համախմբվում է հետաքրքրական գաղափարների շուրջ, երբ աջակցում  է  առաջադեմ նախագծերի իրականացմանը:

 

Դպրոցը խրախուսում է ինքնավար մարմին աշակերտական խորհրդի գործունեությունը` ակնկալելով, որ երեխաներն իրենց համարձակ գաղափարներով, ակտիվությամբ, հետաքրքիր  նախաձեռնություններով և աշխատանքային ստեղծագործականությամբ ու   պատասխանատվությամբ  պատրաստվում են մեծ կյանքին: