Ամփոփվել է «Գրաբարյան օրեր 2014» օլիմպիադան

 

«Տարիներ շարունակ մենք նկատում էինք, որ երիտասարդները եկեղեցական ծիսակարգերին անհաղորդ էին, այդ պատճառով էլ վերոնշյալ ծրագիրը Վեհափառի օրհնությամբ կյանքի կոչեցինք: Ծրագրի միջոցով մենք նպատակ ունենք գրաբարն արդիականացնել, լրացնել մեր երիտասարդների անհաղորդությունը մեր հոգևոր ժառանգությանը, որի առանցքը ոսկեդարն է… 

 

Ոսկեդարյա ժառանգությունը պետք է հայ երիտասարդները կրեն և վերածաղկեցնեն իրենց մեջ այն հզոր ներդրումը, որ կատարել են նրանց հոգևոր հայրերը»,-նշել է Տ. Նավասարդ արքեպիսկոպոսը`  ծրագրի իրականացմանն աջակցելու համար իր շնորհակալությունը հայտնելով ՀՀ կրթության և գիտության նախարարությանը:  

 

Նախարար Արմեն Աշոտյանը, ողջունելով օլիմպիադայի անցկացումը, նշել է, որ դպրոցի առաքելությունը միայն նորարարության, գիտելիքների և տեխնոլոգիաների փոխանցումը չէ: «Դպրոցը նախևառաջ ազգային ինքնության պահպանման վայր է, ազգային աժեքների վրա խարսխված աշխարհայացքի ձևավորում, ինչն անհնար է պատկերացնել առանց ազգային ինքնության մաս կազմող բազմաթիվ արժեքների, որոնցից մեկն էլ գրաբարն է…»,-նշել է ՀՀ կրթության և գիտության նախարարը:

 

Ծրագրի շրջանակներում Երևանի բազմաթիվ ավագ դպրոցներում կազմակերպվել են միջոցառումներ, գրաբար տեքստերի ընթերցումներ, գրաբարի տեսադասընթացների ցուցադրություններ ուսուցիչների ու աշակերտների ջանքերով: Ծրագրի ընթացքում ուսուցիչներն աշակերտներին նախապատրաստել են գրաբարի առաջին օլիմպիադային:

 

Աղբյուրը՝ edu.am