Անց է կացվել «Փշուրն էլ հաց է» խորագրով բաց դաս

Educational 2014-12-05

Օրերս Բյուրեղավանի հիմնական դպրոցի III «բ» դասարանում մայրենիի ինքնուրույն ընթերցանության ժամին տեղի ունեցավ «Փշուրն էլ հաց է» խորագրով բաց դաս: Աշակերտները դպրոցի տնօրեն Մերի Սարգսյանին, փոխտնօրեն Թեհմինե Հայրապետյանին, մեթոդմիավորման նախագահ Գոհար Մաղաքյանին և վեց դասվարների դիմավորեցին աղուհացով:

Դասվար Սվետա Եղյանը ջանք ու եռանդ չէր խնայել դասարանը թեմային համահունչ կահավորելու համար: Ազգային զարդանախշերով ձևավորված սփռոցին դրված էին ազգային հացերը, հացի տեսակները, հացազգի բույսեր, հացաբուլկեղենի և մակարոնեղենի տեսակներ:

Գրատախտակն ու պատերը կահավորված էին հացի արարման գործընթացը պատկերող պաստառներով` հնագույն ժամանակներից մինչև ժամանակակից տեխնոլոգիաները, մանգաղից, գերանդուց, թոնրից մինչև ժամանակակից վառարանները:

Աշակերտները ներկայացրեցին հացի պատրաստման որոշ դրվագներ բեմականացման բոլոր կահավորանքով`ալյուր, խմոր, գրդնակ, բադադ: Աշակերտները անթերի ընթերցեցին օրվա դասը`Վալտեր Արամյանի «Հացը» հեքիաթը: Բեմականացրեցին և մեկնաբանեցին հեքիաթի ուսանելի խրատները:

Ս.Կապուտիկյանի «Հացը» բանաստղծության վերլուծությունով շեշտեցին հասկի ու հացի սրբության գաղափարն իրենց իսկ տեսանկյունից: Դասասենյակը կարծես օծված էր հասկի, ցորենի, հացի, բույրով:

Անց է կացվել «Փշուրն էլ հաց է» խորագրով բաց դաս

Similar news...