Համացանցը կյանքում և դպրոցում

Չէ՞ որ համացանցը տալիս է վիրտուալ աշխարհում գործելու և «ապրելու» լայն  հնարավորություններ: Եվ ինչպես իրական կյանքում, այստեղ ևս մեծ է միջավայրի դերը: Այն կարող է լինել ոչ միայն ստեղծագործական, նորարարական ու դեպի լավը տրամադրող, այլև կարող է լինել վտանգավոր, երբեմն նույնիսկ կործանարար: Ահա, թե ինչու անհրաժեշտ է տիրապետել ժամանակակից կյանքի բոլոր ոլորտները ներթափանցած համացանցից օգտվելու կանոններին ու կիրառել դրանք:

 

Երեխաները պարզաբանեցին հայտնի, սովորած կանոնները, ինչպես նաև առարջակեցին նոր՝ իրենց մտածած նորմերի կիրառումը: Նրանք նշեցին, որ անհնար է պատկերացնել ժամանակակից մարդու կյանքն առանց համացանցի, որ յուրաքանչյուր ոք ունի  համացանցից օգտվելու, առօրյայում ու աշխատանքում այն կիրառելու իրավունք՝ դրանով իսկ ապահովելով կյանքի ու գործունեության թույլատրելի մակարդակ:

 

Դասն անցավ խմբային աշխատանքների հաջորդական ներկայացմամբ: Ներկայացվեց համացանցի դերը նաև կրթության ոլորտում, կարևորվեց ծնող-դպրոց-ուսուցիչ կապի ու համագործակցության գործում համացանցի դերը: Ինչպես նաև օգտագործվեց «Ինֆորմատիկա» առարկայի  կապն այլ առարկաների հետ: Դասի ընթացքում աշակերտները կիրառեցին և գործնականորեն ցույց տվեցին իրենց ստացած տեսական գիտելիքները: