Երբ նրանք գիտեն իրենց իրավունքները

Նրանք հետաքրքրությամբ ուսումնասիրել էին բոլոր իրավունքների ամրագրումները համապատասխան կոնվենցիայում` հատկապես՝ անդրադառնալով կրթության, ընտանիքում ապրելու, աշխատանքի, հանգստի, բռնություններից պաշտպանված լինելու, բնակելի տարածք ունենալու և մյուս իրավունքներին:

 

Ներկայացված տեսահոլովակները մեծապես նպաստեցին երեխաների իրազեկվածության բարձրացմանը, որի շնորհիվ նրանք ավելի պաշտպանված և ուժեղ կարող են լինել անհրաժեշտության դեպքում:

 

Օրը երեխաների համար առավել հետաքրքրական դարձրեցին մրցութային խաղերը, որոնք համախմբեցին տարբեր նախասիրություններ ունեցող, մտավոր և ֆիզիկական տարաստիճան ունակություններով երեխաներին:

 

Օրվա խորհրդին անդրադարձան նաև հատուկ կարիքներ ունեցող երեխաները, ովքեր ևս ակտիվորեն մասնակցեցին խաղերին ու պարերին: Նրանք փոքրիկ, բայց կենսուրախ ընտանիքի լիիրավ անդամներն են, ընտանիք, որտեղ հավասարվում են բոլորի կենսականորեն անհրաժեշտ կարիքներն ու իրավունքները: