Հռոմի պապը հրաժարվել է պալատից

Ֆրանցիսկոսը հերթական անգամ համեստություն է դրսևորել՝ որոշելով ապրել հյուրերի համար նախատեսված երկսենյականոց բնակարանում։ Սա առաջին դեպքն է ավելի քան 100 տարվա ընթացքում, երբ պոնտիֆիկոսը հրաժարվում է զբաղեցնել իր համար նախատեսված բնակարանը։

«Անկանխատեսելի պապը» նաև որոշել է մարտի 28-ին պատարագ մատուցել ոչ թե Սբ Պետրոսի տաճարում, այլ մանկական գաղութում: Սիքստինյան կապելայում կայացած ժողովի ժամանակ Ֆրացիսկոսը հայտարարել է, որ պատարագ կմատուցի «Կազալ դել Մարմո» բանտում, որտեղ նա կլվա և կհամբուրի 12 բանտարկյալների ոտքերը։

Պապ Ֆրանցիսկոսը արդեն հրաժարվել է «պապամոբիլից», հրամայել է իր համար մատանի պատրաստել ոչ թե ոսկուց, այլ արծաթից։ Կերակուր պատրաստել պոնտիֆիկոսը նախընտրում է ինքնուրույն, իսկ եթե չի ստացվում, սնվում է ընդհանուր ճաշարանում։

Սկզբնաղբյուր՝ www.tert.am