Աշխատանքային հանդիպում համաժողովի շրջանակներում

Ռեմուս Պրիկոպիեն շնորհակալություն է հայտնել Արմեն Աշոտյանին իր հրավերն ընդունելու և Բուխարեստ ժամանելու համար, ինչպես նաև գոհունակություն հայտնել կրթության ոլորտում երկկողմ հարաբերություններում արձանագրված առաջընթացի  համար՝ առանձնակի կարևորելով հայ համայնքի դերն այս գործում:

 

Արմեն Աշոտյանն իր հերթին շնորհակալություն է հայտնել ռումինացի գործընկերոջն ընդունելության համար` անդրադառնալով  կրթության և գիտության ոլորտում  հայ-ռումինական համագործակցության խնդիրներին: 

 

Նախարարն առանձնակի շեշտել է այդ հարաբերությունների խորացմանը նպաստող Բուխարեստի համալսարանում բացված հայոց լեզվի կենտրոնի, Կլյուժ-Նապոկա քաղաքի համալսարանում բացված հայագիտական ինստիտուտի, ինչպես նաև արևմտահայերեն և արևելահայերեն տպագրվող գրականության դերն այդ գործում:

 

Կողմերը քննարկել են նաև երկկողմ հետաքրքրություն ներկայացնող այլ հարցեր: Հանդիպման ավարտին Արմեն Աշոտյանը հրավիրել է Ռեմուս Պրիկոպիեին՝ 2015 թվականին Երևանում կայանալիք Եվրոպական բարձրագույն կրթական տարածքի նախարարական գագաթաժողովին մասնակցելու: Ռումինիայի  ազգային կրթության նախարարն ընդունել է մասնակցության հրավերը:

 

Աղբյուրը՝ edu.am