Հայաստանյան տաքսիները լավագույնների աղյուսակում չեն

Անդրադառնանք, սակայն, մյուս երկրների լավագույն տաքսիներին:

 

Հետաքրքիր է, որ հարցումներն անցկացվել են զբոսաշրջիկների, այլ ոչ թե տվյալ երկրի քաղաքացիների շրջանակներում: Գնահատվել է տաքսիների վարորդների բարեհամբույր լինելը, տեղանքի լավ իմացությունը, մաքրությունը, անվտանգությունն ու վարելու արհեստավարժությունը: Այս ցուցանիշներով ստեղծվել է հետևյալ պատկերը.

 

Առաջին հորիզոնականում են հայտնվել լոնդոնյան ավանդական տաքսիները. կարծես գրքային լինեն դրանք: Հարցման մասնակիցների 11%-ը քվեարկել է դրանց օգտին:

 

Նյույորքյան տաքսիները երկրորդ հորիզոնականում են` 6.4% ցուցանիշով, նրանց հաջորդում են Տոկիոյի տաքսիները` 5,6%:

 

Տաքսիների սակագների մատչելիության տեսակետից այդ նույն լոնդոնյան տաքսիները ետին պլան են մղվել: Բնական է, դրանց սակագներն այդքան էլ մատչելի չեն: Գնային առումով առաջատարի դերը ստանձնել են Բանգկոկի տաքսիները: Առհասարակ, Տոկիոյի, Շանհայի և Բանգկոկի տաքսիների ցուցանիշները բարելավվել են` նախորդ տարիներին անցկացված այդ նույն հարցման արդյունքների համեմատ:

 

Խորհուրդներ արտերկրում տաքսիներից օգտվելիս

 

- Աշխատել չնստել զբոսաշրջության վայրի մոտ գտնվող տաքսիները. դրանց սակագները հիմնականում ավելի բարձր են: Ավելի լավ է մի փոքր քայլել և փողոցում կանգնեցնել երթևեկող տաքսի մեքենա:

 

- Հիմնականում Արևելյան Եվրոպայի և Լատինական Ամերիկայի երկրներում օդանավակայանի մոտ սպասող տաքսիները կրկնակի անգամ ավելի բարձր սակագներով Ձեզ կտեղափոխեն նախընտրելի վայր: Ինքնաթիռից իջնելուն պես կարող եք մոտենալ տեղեկատվական բյուրոներին և տաքսի կանչել:

 

- Նախապես ճշտեք օդանավակայանից կամ այլ վայրից Ձեր հյուրանոց հասնելու ճանապարհը կամ մոտավոր տևողությունը, որպեսզի չխաբվեք և երկար ու ձիգ պտույտներ չկատարեք տաքսիով: Իսկ եթե կա smartphone, ուրմեն պարզապես միացնել GPS-ը:

 

- Շփումը վարորդների հետ անխուսափելի է: Իսկ եթե Դուք Իտալիայում եք հայտնվել, ապա միանշանակ անխուսափելի է:

 

- Աշխատեք նստել իսկական տաքսիներ, որոնք ունեն լոգո կամ ինչ-որ տարբերանիշ:

 

Իսկ ինչո՞վ են զբաղվում ուղևորները տաքսիներում

 

Արտասահմանում անցկացրած այդ նույն հարցման մասնակիցների կարծիքները դասակարգվել են հետևյալ կերպ.

- քնում են (36%)

- խոսում հեռախոսով (26%)

- թարմացնում դիմահարդարումը կամ սանրվածքը (19%)

- ուղարկում հաղորդագրություններ (15%)

- համբուրվում (4%):