Հերթական միջոցառումը Արթիկի թիվ 5 հիմնական դպրոցում

ՀԵՊ ուսուցչուհի Ա. Բզնունու և կիրակնօրյա դպրոցի ուսուցչուհի, խորհրդատու Ա. Քոչարյանի ջանքերով և աշակերտների մասնակցությամբ ավետարանական առակներից բեմադրվեցին «Բարի Սամարացին», «Այրի կնոջ և դատավորի» առակները, որոնք համեմված էին մատչելի ու հասկանալի մեկնություններով, արդիական համեմատություններով:

 

Լավագույն աշակերտների ներկայացմամբ հնչեցին նաև շարականներ, թեմային համահունչ աշուղական երգ և հեղինակային ստեղծագործություններ: Միջոցառմանը ներկա տեր Աբգար քահանա Մարգարյանը գոհունակությամբ նկատեց, որ բարության սերմերը պարարտ հող են գտել և պտուղներ են տալիս:

 

Հանդիսականը դահլիճից հեռացավ բարության ծառի իմաստալի պտուղների` «գութ», «հավատ», «սեր», «բարություն», «հեզություն» առատ բերքով, իմաստուն խորհուրդներով: