Առակներից սովորում ենք նորովի ապրել

Բեմականացումն ուղեկցվում էր շարականներով, որոնք կատարում էր դպրոցի «Մանկունք» հոգևոր երգչախումբը: Աշակերտները բեմականացմանը զուգահեռ ներկայացրեցին առակների գաղափարը և արդիականությունը, այն է` բոլորին հաղորդակից դարձնել Սուրբ գրային առակներին, ապրել նորովի կյանքով, չհեռանալ Աստծուց, ամեն վայրկյանի համար շնորհակալ լինել Աստծուն, լինել բարի, ներող, սիրող, հանդուրժող, չծուլանալ, չնախանձել, չչարախոսել:

 

Միջոցառման սկզբին ներածական խոսքով հանդես եկավ ՀԵՊ ուսուցչուհին Ք. Քոչարյանը: Հանձնախմբի ուշադրությունը գրավեց  աշակերտների ճկուն, գրագետ ու տպավորիչ խոսքը:

 

Ավետարանական առակները պատշաճորեն ներկայացնելու և մրցույթի դպրոցական փուլը բարձր մակարդակով կազմակերպելու համար կազմակերպչին և աշակերտներին շնորհակալություն հայտնեցին տնօրեն Ա. Մուրադյանը, Սևանի հոգևոր հովիվ, արժանապատիվ քահանա Տեր-Ստեփանոս Իգնաթևոսյանը:

 

Մրցույթը գնահատող հանձնախմբի կազմում էր Մայր Աթոռ Սբ. Էջմիածնի ՔԴԿ Սևանի տարածաշրջանի պատասխանատու Հ. Գաբրիելյանը: