«Հայացք ապագային-2014»

ՀՀ ԿԳ նախարար Արմեն Աշոտյանը, ով ներկա է եղել ցուցահանդեսի բացման արարողությանը, նշել է, որ այսօրվա սերունդը բոլորովին այլ առաջնահերթություններ ունի, որը կարող է նաև չհամընկնել  առկա ակնկալիքներին։ 

 

«Անկախ մտածողության տարբերություններից՝ բոլոր սերունդները պետք է գիտակցեն, որ ապրում են ընդհանուր հայրենիքում, իրենց կողքին ապրում են այլ մարդիկ»,- նշել է Արմեն Աշոտյանը` ընդգծելով, որ ուսանողական ներուժը բացահայտելու խնդիրը դեռևս լուծված չէ:

 

«Շատ կարևոր է ուսանողների լիարժեք ներառումը կրթության կառավարման և կրթական բարեփոխումների գործընթացի մեջ: Ուսանողակենտրոն համակարգի կայացումը կարևոր նախապայման է. ուսանողը պետք է հասկանա, որ կրթությունը նախևառաջ մրցունակ լինելու առաջին պայմանն է:

 

Երբ այս գիտակցությունն ունենան ուսանողները, այդ ժամանակ, վստահ եմ, կրթության որակի կտրուկ աճ և խնդիրների նվազում կունենանք»,-ընդգծել է նախարարը:

 

Ցուցահանդեսի շրջանակներում Հայաստանի երիտասարդական հիմնադրամը հայտարարելու է դրամաշնորհի մրցույթ։ Ցուցահանդեսի մասնակից երիտասարդական կազմակերպությունները հնարավորություն են ունենալու տեղում մշակել և ներկայացնել ծրագրեր մինչև 600 հազար դրամ բյուջեով։ 

 

Դրամաշնորհի պարտադիր պայմանն է, որպեսզի ծրագրերը լինեն համատեղ. կազմակերպվեն 1-ից ավելի կազմակերպույթունների միջոցով։ Հաղթող դրամաշնորհային ծրագրերը որոշվելու են քվեարկության միջոցով։ 

 

Քվեարկությանը մասնակցելու են ցուցահանդեսի մասնակից կազմակերպությունները։ «Հայացք ապագային-2014» էքսպոն կազմակերպել է Հայաստանի երիտասարդական հիմնադրամը երիտասարդական տոներին նվիրված միջոցառումների շրջանակներում։

 

Աղբյուրը՝ edu.am