«Ամենադժվար մասնագիտությունը մարդ լինելն է…»

«Աշխատանք և մասնագիտություն» դասի հիմնական նպատակներից էր ձևավորել հարգանք բոլոր մասնագիտությունների նկատմամբ, ցուցաբերել  լուրջ վերաբերմունք մասնագիտության ընտրությանը վաղ տարիքից և կարևորել դպրոցի, դպրոցում ստացած գիտելիքների անհրաժեշտությունը այդ կարևոր խնդրում:

 

Նրանք ներկայացրեցին տարբեր մասնագիտությունների դերը և գործառույթները առօրյայում, բոլոր մասնագետների անհարժեշտությունը մեր կյանքում, փորձեցին կերպարային առումով ներկայացնել տարբեր ոլորտների մասնագետների անձնային որակները:

 

Երեխաներն ընդգծեցին ազնվության, պարտաճանաչության, բարության, ճշտապահության ցանկալիությունը բոլոր մասնագիտությունների ընտրության հարցում: Նրանք գիտակցեցին, որ կարևոր են ու անհրաժեշտ նաև արհեստների ընտրությունը. առանց արհեստավորների անհնարին է պատկերացնել մեր հասարակական կյանքը:

 

Հետաքրքիր ու տրամաբանական էին երեխաների ընկալումները և մասնագիտական կողմնորոշումները՝ ինչու՞ է ցանկալի ու անհրաժեշտ, որ բժիշկը լինի ոչ միայն բարի ու հոգատար, այլև ազնիվ ու աշխատասեր, կամ դերձակն ու վարսահարդարը` բանիմաց ու պարտաճանաչ, իսկ վաճառողը` գրագետ ու խելացի:

 

Ցանկալի է, որ այս դասից հետո երեխան գիտակցի նաև, որ ամենադժվար մասնագիտությունը մարդ լինելն է: