«Աշնան գույներ»

Յուրաքանչյուր խմբին հանձնարարվել էր համացանցում ինքնուրույն որոնել և գտնել նյութեր աշնան, մրգերի, չվող թռչունների և աշնանը կատարվող եղանակային փոփոխությունների մասին:

 

Երեխաները պատկերավոր կերպով ներկայացրեցին պատմություններ, որոնց զուգահեռ էկրանին պատկերվում էր համապատասխան տեսանյութը՝ անձրև, տերևաթափ, մրգատու այգիներ, մեղմ քամի և այլն:

 

Ըստ նրանց՝ Արարատյան դաշտը նման է մի եռանկյուն սկուտեղի, որը լցված է հողի բարիքներով։ Եվ պատահական չէ, որ Արարատյան դաշտը Հայաստանի շտեմարան են անվանում:

 

Մեծ ոգևորությամբ երեխաները ներկայացրեցին ժողովրդական ասացվածքներ և դարձվածքներ։ Միրգը ներկայացվեց որպես խորհրդանիշ։ Հետաքրքիր առասպելներ հյուսվեցին խնձորի, նռան, խաղողի և դեղձի մասին։ Աշնան թեման լրացվեց մանկական «Կաթ-կաթ» երգի ունկնդրմամբ:

 

Երեխաների պատկերացումները բազմազան էին, երևակայություններն՝ անսահման։ Որքա՜ն գեղեցիկ է մայր բնությունն իր հիասքանչ պատկերներով, որոնք աշնանը դառնում են կախարդական։