Կլոր սեղան-քննարկում ”Место русского языка в моей жизни” և “Знакомьтесь, Россия!” թեմաներով

Դասի նպատակն էր աշակերտներին հաղորդակից դարձնել ռուս ժողովրդի մշակութային և հոգևոր արժեքներին, նպաստել Ռուսաստանի նկատմամբ նրանց հետաքրքրության և մտահորիզոնի զարգացման ու ընդլայման ակտիվացմանը, աջակցել Ռուաստանի՝ որպես Հայաստանի ռազմավարական գործընկերոջ վերաբերյալ գիտելիքների տարածմանը:

 

Դասն սկսվեց ՌԴ հիմնով և «Ռուսաստանի քաղաքների տեսարժան վայրերը» թեմայով շնորհանդեսով, աշակերտները ներկայացրին ՌԴ դրոշի, հիմնի, գերբի ստեղծման պատմությունը, անդրադարձան երկրի կառավարմանը, նախագահին, մայրաքաղաքին, Կարմիր հրապարակին:

 

Պատմեցին երկրի աշխարհագրագան դիրքի, սահմանների մասին, ներկայացրին խոշոր գետերը, լճերը, ափերը ողողող օվկիանոսները, կենդանական և բուսական աշխարհը: Խոսեցին երկրում ապրող ազգերի` հիմնականում սլավոնական ազգերի մասին, պատմեցին Ռուսաստանի խորհրդանիշների ստեղծման մասին: Այնուհետև խոսվեց ռուս ժողովրդի ավանդույթների և սովորույթների մասին: Պատմվեց ”Масленица” տոնի մասին:

 

Խոսվեց ռուսական մշակույթի, ռուս անվանի մարդկանց (Յուրի Գագարին, Վալենտինա Տերեշկովա), գրողների, կոմպոզիտորների, նկարիչների և հայտնի  սպորտսմենների, ինչպես նաև սիրված հեռուստաալիքների և հաղորդումների մասին: Աշակերտները կարևորեցին ռուսաց լեզվի դերն իրենց կյանքում, խոսեցին հայ և ռուս ժողովուրդների դարավոր բարեկամության և Ռուսաստանի` որպես Հայաստանի ռազմավարական գործընկերոջ մասին:

 

Ընթերցվեցին ասույթներ ռուսաց լեզվի մասին, աշակերտները երգեցին մանկական երգեր: Դասն անցավ հետաքրքիր ու բազմաբովանդակ: Այն ավարտվեց ռուսական ոճով թեյի հյուրասիրությամբ: