«Ղարաքիլիսա-Կիրովական-Վանաձոր»

Միջոցառումն սկսվեց «Ղարաքիլիսա» ֆիլմով, որի ավարտից հետո դպրոցի 8-րդ դասարանի աշակերտները Ղարաքիլիսայի մասին պատմական ակնարկով շարունակեցին միջոցառման առաջին մասը: Ավարտից հետո ներկայացվեց «Ղարաքիլիսա» համանուն պարը:

 

Միջոցառման 2-րդ մասում սահուն կերպով անցում կատարվեց դեպի 1935թ., երբ անվանակոչության առաջին վկայականով Ղարաքիլիսան կոչվեց Կիրովական: Ներկայացվեցին Կիրովական քաղաքի արդյունաբերական ձեռնարկություններն ու մշակութային կենտրոնները, նրա գեղատեսիլ վայրերը, առողջարանը: Ցուցադրվեց Կիրովականի մասին ֆիլմ, որը գեղեցիկ հուշեր արթնացրեց ուսուցիչների և ծնողների մոտ:

 

Միջոցառմանը նոր շունչ տվեցին դպրոցի 5-րդ դասարանի աշակերտները՝ ներկայանալով իրենց գեղեցիկ պարային համարով: Պատմական ժամանակաշրջանը տեղափոխելով դեպի 1992 թվական՝ քաղաքի անվանակոչության 2-րդ վկայականի տարի, աշակերտները գեղեցիկ կերպով ներկայացրեցին այժմյան Վանաձոր քաղաքը:

 

«Ղարաքիլիսա-Կիրովական-Վանաձոր» միջոցառման նպատակն էր շնորհավորել բոլորին քաղաքի տոնի կապակցությամբ, աշակերտներին առավել մանրամասն ծանոթացնել իրենց հարազատ քաղաքի պատմությանն ու մշակույթին: Այս գեղեցիկ միջոցառումն ավարտվեց «Վանաձոր» երգով, որը կատարեցին դպրոցի 5-8-րդ դասարանների աշակերտները:

 

Միջոցառմանը ներկա էին դպրոցի տնօրեն Տ. Հովսեփյանը, Վանաձորի քաղաքապետարանի մշակույթի և կրթության բաժնի պետ Գոռ Բադյանը, Վանաձոր համայնքի ավագանու անդամ Արտյոմ Գրիգորյանը, ուսուցիչներ, ծնողներ, աշակերտներ: