«Շնորհավո´ր տոնդ, Ուսուցի´չ»

Աշակերտները, ծաղիկները ձեռքներին, անսպասելի մտան ուսուցչանոց, նվիրեցին ծաղիկներն ու շնորհավորեցին ուսուցիչներին: Նրանց խոսքերն անմիջական էին, սրտաբուխ, բարեմաղթանքներն՝ անկեղծ ու տեղին:

Նրանք  ուսուցիչներին մեծարեցին որպես ծնողների: Շնորհակալություն հայտնեցին բոլոր այն մարդկանց, ովքեր ունեն այդ կոչումն ու ստանձնել են այդ մեծագույն պարտականությունը: Մաղթեցին, որ նրանց կյանքի բոլոր օրերը տոնական լինեն, երբեվիցե չտխրեն ու չվշտանան նրանց սրտերը:

Շնորհավորական խոսքերը համեմվեցին բանաստեղծություններով և ուսուցիչներին նվիրված երգերով, որոնցում վերջիններս համեմատվում էին հրաշագործների ու բարի փերիների հետ, ովքեր իրենց կյանքով ու էությամբ լույս են դառնում սերունդների ուղին լուսավորելու համար, ովքեր թույլ չեն տալիս, որ որևէ  երեխա շեղվի ճիշտ ճանապարհից կամ սայթաքի: