Բաց դաս` «Հեքիաթի կախարդական աշխարհում» թեմայով

Դասի նպատակը և խնդիրները հստակորեն ձևակերպելուց հետո սկսվեց ճամփորդություն հեքիաթների կախարդական աշխարհում: Մուլտֆիլմերից հանված սլայդներից երեխաները ճանաչեցին  ու պատմեցին  «Մոխրոտի», «Կարմիր  գլխարկի», «Ալի Բաբայի և 40 ավազակների», «Գնդիկ Բոքոնիկի» մասին:

Ուսուցման գործընթացում ներգրաված էին բոլոր աշակերտները: Դասի ընթացքում երեխաները կատարեցին բազմաբնույթ աշխատանքներ ուսուցչի կողմից  ստեղծած  puzzle և այլ դիդակտիկ նյութերով, անցկացվեցին հետաքրքրաշարժ խաղեր, վիկտորինաներ:

Դասի յուրաքանչյուր րոպեն օգտագործվեց նպատակային, ծառայեց աշակերտների ճանաչողական հետաքրքրությունների, տրամաբանական մտածողության զարգացման, ձեռք բերած գիտելիքների խորացմանն ու ամրապնդմանը: Աշակերտների գնահատականը ևս հետաքրքիր էր. բոլորը ստացան հեքիաթային գնահատականներ՝ շոկոլադե մետաղադրամներ: