Իսկ Դուք գիտեք, որ…

Featured 2013-03-18

Կոկա-Կոլայի առաջին՝ դրսում տեղադրված գովազդային վահանակը, որը պատրաստվել է դեռևս 1904 թվականին, մինչ օրս գտնվում է իր նույն տեղում` Ջորջիա նահանգի Կարտերսվիլ փոքրիկ քաղաքում: Իսկ Կոկա-Կոլայի ամենամեծ վահանակը գտնվում է Չիլիի Արիկա քաղաքի բլուրներից մեկի գագաթին: Նրա բարձրությունը կազմում է 40, իսկ լայնությունը` 122 մետր: Այն կազմվել է Կոկա-Կոլայի 70.000 շշերից:

Հատուկ 2011թ. ապրիլի 29-ին Մեծ Բրիտանիայի մայրաքաղաք Լոնդոնում կայացած թագավորական հարսանիքի համար Նոթինգեմ քաղաքի Քասլ Ռոք գարեջրատանն արտադրվել է «Kiss me Kate» («Համբուրիր ինձ, Քե՛յթ») անունով գարեջուր:

Գարեջրի բաժակների համար նախատեսված տակդիրներիի ամենամեծ հավաքածուն պատկանում է Վիեննայի բնակիչ Լեո Պիսքերին: Այն կազմված է աշխարհի շուրջ 150 երկրներից բերված ավելի քան 140.000 տակդիրներից: Նշենք սակայն, որ Լեոն գարեջուր չի սիրում:

Գարեջրի հետ կապված ևս հետաքրքիր փաստ. ճապոնական քաղաքներից մեկի` Մացուշիրոյի գարեջրատան վրա փակցված է ցուցանակ հետևյալ բովանդակությամբ. «Մինչև 3 բալ ուժգնությամբ երկրաշարժի ժամանակ մեկ գավաթ գարեջուրը մատուցվում է անվճար»:

Աշխարհի ամենաթանկ ելակը կարելի է համտեսել Նոր Օրլեանի «Arnaud's» ռեստորանում: Սա, իհարկե, միայն այն դեպքում, եթե Դուք ունեք ավելորդ 1,4 միլիոն դոլար: Այն մատուցվում է սերուցքով, սուր համ ունեցող թերթիկներով և գրեթե 5 կարատանոց վարդագույն ադամանդով:

1990թ. Ֆրանսիայի մայրաքաղաք Փարիզում տեղի ունեցավ մի շատ հետաքրքիր հարսանիք. 98 սմ հասակ ունեցող Նատալի Լյուցիուսն ամուսնացավ Ֆաբիան Փրեթի հետ, որի հասակը կազմում էր 188,5 սմ:

2008 թվականի տվյալներով Կահիրեում, որտեղ կա ավելի քան 18 միլիոն բնակաչություն, տեղադրված է ընդամենը 9 լուսակիր:

ԱՄՆ-ի կոնգրեսի գրադարանում, որը գտնվում է Վաշինգտոնում, արխիվացվում են Twitter սոցիալական ցանցի օգտատերերի բոլոր հաղորդագրությունները: Եվս մեկ փաստ Միացյալ Նահանգների մեկ այլ նահանգի վերաբերյալ. Օհայո նահանգի պաշտոնական ըմպելիքն է համարվում տոմատի հյութը:

2009 թվականին Դյուսելդորֆի քաղաքագետներն առաջարկել են ստեղծել շների ԴՆԹ բազա, որը հնարավորություն կտա մի շարք հետազոտությունների միջոցով դուրս գալ քաղաքի փողոցներում կեղտոտած շան «հետքերի վրա», ինչի արդյունքում կտուգանվի նրա տերը:

Իսկ Դուք գիտեք, որ…

Similar news...