ԿԳՆ-ն բանակցում է հավելվածն անվճար դարձնելու հարցի շուրջ

Հայալեզու էլեկտրոնային բովանդակության ստեղծման և ավելացման հարցը Կրթության և գիտության նախարարության գերակայություններից է:

 

Դեռևս 2013 թվականին նախարար Արմեն Աշոտյանը դիմել էր “APPLE” ընկերությանը` առաջարկելով հայերենով արվող գրառումների համար ծրագիր ստեղծել:

 

Հայ ծրագրավորողները ստեղծել են նման հնարավորությունը iOS8 օպերացիոն համակարգի շրջանակներում: 

 

Հաշվի առնելով այն հանգամանքը, որ «Hay Tar» հավելվածը մի կողմից բուռն հետաքրքրություն է առաջացրել օգտատերերի շրջանում, իսկ մյուս կողմից` վճարովի է, նախարար Արմեն Աշոտյանը դիմել է ծրագրի հեղինակներին ծրագիրն անվճար և բոլորին հասանելի դարձնելու առաջարկով:

 

Այժմ ԿԳՆ-ն բանակցություններ է վարում այդ ուղղությամբ: Առաջիկայում տեղեկատվություն կներկայացվի վերջնական արդյունքների մասին:

 

Աղբյուրը` edu.am