Արմեն Աշոտյանը հանդես է եկել դասախոսությամբ

Հանդիպման ընթացքում քննարկվել են միջբուհական համագործակցության ընդլայնմանն առնչվող  մի շարք հարցեր, մասնավորապես`  ուսանողների և դասախոսների փոխանակման և համատեղ գիտահետազոտական ծրագրերի իրականացման վերաբերյալ:

 

Էստոնական կողմը պատրաստակամություն է հայտնել աջակցել Հայաստանի բուհերին եվրոպական գիտակրթական նախագծերում ընդգրկվելու հարցում: Հայկական պատվիրակությունն այցելել է նաև Տարտուի համալսարանում գտնվող Խաչատուր Աբովյանի անվան լսարան:

 

Տարտուի համալսարանում  նախարար Արմեն Աշոտյանը հանդես է եկել «ԵՄ-Հայաստան. հարաբերությունների հեռանկարներ գիտակրթական ոլորտում» թեմայով դասախոսությամբ: Նախարարը ներկայացրել է նաև Հայոց ցեղասպանության, հայ-թուրքական հարաբերություններին վերաբերող մի շարք հարցեր:

 

Դասախոսության ավարտին Ա. Աշոտյանը պատասխանել է նաև ներկաների հարցերին, որոնք հիմնականում վերաբերել են Հայաստանի Հանրապետության արտաքին քաղաքականությանը:

 

Այդ համատեքստում նախարարը հատուկ ընդգծել է Հայաստանի դերը տարածաշրջանում որպես քրիստոնեական աշխարհի և եվրոպական քաղաքակրթական հիմնական հենարան: