Նախաձեռնություններ` միտված հայրենասիրական դաստիարակությանը

Այսպես` «Պատանի երկրապահ» հայրենասիրական ակումբներ ստեղծելու և նրանց արդյունավետ գործունեությանն օժանդակելու վերաբերյալ ՀՀ պաշտպանության, կրթության և գիտության նախարարությունների և «Երկրապահ կամավորականների միություն» հասարակական կազմակերպության միջև կնքվել է փոխըմբռնման հուշագիր:

 

Նախարար Սեյրան Օհանյանն իր ողջույնի խոսքում նշել է, որ երիտասարդ սերնդի ռազմահայրնեասիրական դաստարակությունը պետք է սկսվի դպրոցներից:

 

Ըստ ՀՀ կրթության և գիտության նախարար Արմեն Աշոտյանի` վերոնշյալ հուշագրով կյանքի է կոչվում հերթական ռազմավարական ծրագիրը, կառավարության տեսակետն առ այն, որ ռազմահայրենասիրական խնդիրները կրթական համակարգում արդիականացման, վերանայման և առավել համակարգված գործունեության կարիք ունեն: 

 

«Երկրապահ կամավորականների միության» նախագահ Մանվել Գրիգորյանն իր հերթին նշել է, որ այս նախաձեռնությամբ կարևոր օր է բացվում մեր նորաստեղծ պետության պատմության մեջ կառավարության մակարդակով ռազմահայրենասիրական դաստիարակությանն ուղղված գործընթացները համատեղելու տեսանկյունից: 

 

Համաձայն հուշագրի` կողմերը պարտավորվում են ՀՀ հանրակրթական հաստատություններում սովորողների հայրենասիրական դաստիարակությանն ուղղված միջոցառումներ իրականացնել` յուրաքանչյուր ուստարվա համար համատեղ մշակելով և հաստատելով միջոցառումների ցանկ ու ժամանակացույց, ինչպես նաև ընդլայնել հայրենաճանաչությանն ու հայրենագիտությանն առնչվող սովորողների հետաքրքրությունների ու նախասիրությունների բավարարման հնարավորությունները:

 

Աղբյուրը` edu.am