Ամենատարօրինակ, թանկարժեք և հաճախ մոռացվող իրերը հյուրանոցներում

Ըստ հյուրանոցների հրապարակած տվյալների` կան ոչ միայն ամենից շատ մոռացված իրեր, այլև ամենատարօրինակ և ամենաթանկարժեք իրերի մոռացության դեպքեր: Ամենատարօրինակ և թերևս նախադեպը չունեցող մոռացության դեպքն է երեխային թողնելը հյուրանոցում: Այդ դեպքը գրանցվել է 2011թ. անգլիական Վինչեստերում (http://www.inlobby.com/r/winchester.html), երբ երիտասարդ զույգը հյուրանոցի սենյակում մոռացել է 18 ամսական երեխային: Երիտասարդ զույգը շտապելիս է եղել հարսանյաց հանդեսի և մոռացել է փոքրիկին հյուրանոցի համարում, որտեղ նրան գտել են հյուրանոցի աշխատողները: Մի քանի րոպեներ անց մոռացկոտ ծնողները վերադարձել են երեխայի հետևից: 

 

Ուսումնասիրելով և հավաքագրելով աշխարհի տարբեր երկրների (http://www.inlobby.com/r/paris.html) հյուրանոցներում ամենից շատ մոռացվող իրերը` ստացվում է հետևյալ վիճակագրական պատկերը: Այսպիսով, հյուրանոցներում ամենից շատ մոռացվում են հետևյալ իրերը` 

 

- Փչովի ծովափնյա խաղալիքներ

- Ակնոցներ 

- Ներքնազգեստ 

- Նոթատետրեր

- Բջջային հեռախոսների մարտկոցներ

- Գրիչներ

- Համակարգիչների մարտկոցներ 

- Ատամի էլեկտրական խոզանակներ

- Գրքեր

- iPad-ներ 

- Ականջակալներ

- Տան բանալիներ

- Ոսկե զարդեր 

 

Ամենաթանկ մոռացված իրերը հյուրանոցներում` 

- Ֆերարի մակնիշի մեքենայի բանալի 

- 5,000 ամերիկյան դոլար արժողությամբ ամուսնական մատանի

- Վերա Վանգայի դիզայնով պատրաստված հարսանյաց զգեստ 

- 3.000 դոլար արժողությամբ Ռոլեքս ապրանքանիշի ժամացույց 

- Կաշվե գոտիներ

- Պոկերի բացովի սեղանիկ 

- Մինի սառնարան 

- Սիգարների հավաքածու 

Ամենատարօրինակ մոռացված իրերը հյուրանոցներում` 

- Արհեստական աչք

- Արհեստական ոտք

- Վանականի վերնազգեստ 

- Արհեստական ատամներ 

- Մասունքներով արկղ 

- Մոգության իրեր (խոտաբույսեր, սև մոգության ասեղներ և այլն)

- Կեղծամներ 

- Երաժշտական իրեր, հիմնականում` շեփոր 

- Վարսահարդարման իրերով պայուսակ 

- Կենդանի թռչուն վանդակի մեջ: 

 

Մեծ Բրիտանիայի (http://www.inlobby.com/r/london_united kingdom.html) հյուրանոցները հիմնականում նվիրաբերում են մոռացված իրերը բարեգործական հիմնադրամներին, եթե դրանք չեն գտնում իրենց հասցեատերերին: Մինչդեռ որոշ հյուրանոցային ցանցեր նույնիսկ ստեղծել են առցանց կայք, որտեղ վաճառքի են հանում հյուրանոցում մոռացված իրերը: