Ողջու´յն «Մեծ հույսերի ու լուսավոր երազանքների մեր դպրոց»

Որքան մեծ են ավագների  ուշադրությունն ու հոգածությունները, այնքան փոքրիկի վարանոտ քայլերը դառնում են ամուր ու ինքնավստահ, այնքան նրա հեքիաթները մոտենում են իրականությանը, այնքան նա ուժեղ է, ինքնավստահ:

 

Կարևորելով գալիքի խորհուրդը` գլխավոր նպատակ է դառնում լուսավորել այդ փոքրիկների կյանքի ուղին, լինել ուղեկիցն ու աջակիցը, ընկերն ու հարազատը:

 

Այս վեհ ու կարևոր գաղափարներով էլ Ջերմուկի թիվ 1 հիմնական դպրոցն իր հարկի տակ հյուրընկալեց այն բոլոր փոքրիկներին, ովքեր այսուհետ կարող են հպարտությամբ փաստել, որ իրենք սանն են Մաքսիմ Գորկու անվան դպրոցի:

 

Դպրոցական անակնկալների շարքում էին նաև նոր և հիմնանորոգված սանհանգույցները և լուսավոր ճաշարանը:

 

Երեխաներին Գիտելիքների օրվա առթիվ ջերմ մաղթանքներով ողջունեցին մարզպետ Է. Ղազարյանը, Կրթության բաժնի պետ Ա. Ղազարյանը, Վայքի զորամասի մայոր Կուրղինյանը, համայնքային ներկայացուցիչներ:

 

Առաջին դասարանցիների համար մեծ և գեղեցիկ անակնկալ էր քաղաքապետարանի պատրաստած գրենական պիտույքների շատ անհրաժեշտ  հավաքածուները: