Ուսանողական ամառ-2014

Այն տարվա ընթացքում բուհի ակտիվ և բարձր առաջադիմություն ունեցող ուսանողներին խրախուսելու, նրանց ամառային հանգիստը կազմակերպելու ձև է։ Այս տարի «Ուսանողական ամառը» կանցկացվի օգոստոսի 13-25-ը Դիլիջանի «Տնտեսագետ» մարզաառողջարարական ճամբարում։ 

 

Մարզամշակութային այս միջոցառման ընթացքում իրականացվում են մի շարք մրցույթներ։ 

Բուհի յուրաքանչյուր ֆակուլտետ և մասնաճյուղ ներկայացնելու է մեկական ջոկատ` ընդհանուր 8 ջոկատ: Ջոկատները կրելու են հայ ժողովրդի տարբեր ժամանակների մեծանուն անձանց անունները` Գարեգին Նժդեհ, Մոնթե Մելքոնյան, Վազգեն Սարգսյան, Անդրանիկ Մարգարյան, Շառլ Ազնավուր, Պարույր Սևակ, Անդրանիկ, Գևորգ Չաուշ: Ծրագրի ընթացքում ջոկատների միջև անցկացվելու են մարզական (մինի ֆուտբոլ, վոլեյբոլ, սեղանի թենիս, պարանի ձգում, շախմատ), մշակութային (երգ, պար, նորաձևություն, նկարչություն) և ինտելեկտուալ («Ի՞նչ, որտե՞ղ, ե՞րբ», բրեյն թեստ, պոետ և տնտեսագիտական օլիմպիադա) մրցույթներ: