Բարսելոնայի գլխավոր փողոցը վերածելու են մշակութային կենտրոնի

Քաղաքի վարչակազմը հայտարարել է, որ այսուհետ արտոնագիր տրամադրելիս առաջնահերթություն է տրվելու այն ընկերություններին, որոնք աշխատում են մշակույթի ոլորտում, այսինքն՝ գրախանութներին, պատկերասրահներին, արվեստի կենտրոններին, երաժշտական խանութներին և այլն:

 

Որպես տնտեսական առավելություն՝ նրանց թույլ կտրվի բացել սահմանափակ աշխատաժամերով առավելագույնը 20 քառ. մետր մակերեսով  սրճարանային գոտի: Այս մասին գրում է Noticia կայքը:

 

Սեփական խոհանոցն ունեցող նոր բարերն ու ռեստորանները, ինչպես նաև հյուրանոցները, կարող են բացվել բացառապես նախապես փակված հաստատությունների փոխարեն:

 

Պատրաստի սնունդ վաճառող բարերն ընդհանրապես կարգելվեն: Համտեսելու վայրերն էլ կմնան միայն Բոկերիայի շուկայում:

 

Պարասրահներն ու մթերային խանութները հնարավորություն կունենան փոխել իրենց վայրը, սակայն դրանց թիվը պետք է անփոփոխ մնա:

 

Աղբյուր՝  http://news.am/