Հայ մանուկները Լիդիցեի 42-րդ միջազգային մանկական ցուցահանդեսում արժանացել են մրցանակների

ՀՀ մշակույթի նախարարությունից տեղեկացնում են, որ «Լիդիցեի վարդ» մեդալին արժանացել է Դիլիջանի Հովհ. Շարամբեյանի անվան մանկական գեղարվեստական դպրոցի սան Հասմիկը Գևորգյանը (7 տարեկան): Նույն մեդալին է արժանացել նաև ողջ դպրոցն իր սաների աշխատանքների համար:

 

Այս տարի Լիդիցեի միջազգային մանկական ցուցահանդեսին մասնակցել են 77 երկիր. ներկայացվել է 27 հազար 868 աշխատանք, մրցանակների արժանացել են 68 երկրի՝ 1516 աշխատանքներ: Գլխավոր մրցանակին արժանացել է ուկրաինական Դոնեցկ քաղաքի ՄԻԳ լուսանկարչական ստուդիան:

 

Նշենք, որ ցուցահանդեսը կգործի մինչև հոկտեմբերի 31-ը: Բացման արարողությանը ներկա են եղել Չեխիայի պետական ատյանների պաշտոնյաներ, դիվանագիտական անձնակազմի, ինչպես նաև ՉՀ-ում ՀՀ դեսպանության և հայ համայնքի ներկայացուցիչներ: 

Ցուցահանդեսը հիմնադրվել է 1967 թվականին՝ ի հիշատակ պատերազմներում զոհված բոլոր երեխաների:

 

Աղբյուրը՝ news.am