«Ամեն ինչ սկսվում է ընտանիքից» խորագրով միջոցառում

Բեմի վրա մրցում էին X «բ» դասարանի ծնողների «Իմ բալիկ» և երեխաների «Արև» թիմերը: Մրցութային փուլերը բազմաբովանդակ էին` իմացություն, ճանաչողություն, և աչք էին ընկնում ստեղծագործական բնույթով: Բեմի վրա ընտանեկան ջերմ մթնոլորտի պատկեր էին ստեղծում ընտանեկան ալբոմից «պոկված» և առանձնացված լուսանկարները, իսկ աշակերտների մանկական լուսանկարներից պատրաստված ցուցահանդեսը անակնկալ էր և՛ ծնողների, և՛ աշակերտների համար:

 

Այնքան ջերմ զգայություն էր տիրում դահլիճում, որ անգամ հանդիսատեսն էր ոգևորված պատասխանում հարցերին:

 

«Երեխան չի ուզում դպրոց գնալ» իրավիճակի բեմադրությունը ավելի գեղեցիկ վերլուծեցին ծնողները: Մրցութային վերջին փուլը` «Մեր ապագան», նկարչական մրցույթն էր:

 

Միջոցառումը եզրափակեց դպրոցի տնօրեն Գ.Հովհաննիսյանը, ով նշեց, որ իրականության մեջ միակ մրցույթն է, երբ պարտվողները ուրախ են հաղթողների համար: