Հարգանքի տուրք Մեծն Մաշտոցին

Աշակերտները ուսուցչի հետ այցելեցին Սուրբ Մաշտոցի շիրիմին, ծաղիկներ դրեցին շիրմաքարին, մեկ րոպե լռությամբ հարգեցին մեծ ուսուցչի հիշատակը: Երդվեցին անաղարտ պահել հայոց այբուբենով գրված մեր ոսկեղենիկ մայրենին: Խոստացան` աշխարհի որ ծայրում  էլ գտնվեն, իրենց շուրթերից հնչեցնեն հայ բառը, հայ խոսքը, հայ երգը: Ծանոթացան եկեղեցուն, շրջակայքին, քանդակազարդ տառերին: Լուսանկարվեցին և մեծ տպավորություններ ստացած` շարունակեցին ճանապարհը դեպի Օշականի ձոր:

 

Ազատ բնության գրկում փոքրիկ քննարկում անցկացրեցին, պատասխանեցին ուսուցչուհու հարցերին, արտահայտեցին իրենց մտքերն ու  տպավորությունները: Մինչև երեկո խաղացին, ուրախացան և շատ գոհ վերադարձան տուն:

 

Ուսուցչուհին առաջարկեց երեխաներին գեղեցիկ մայրենիով գրել իրենց տպավորությունները: