Կայացավ «DUEL Plus» ինտելեկտուալ օլիմպիադայի եզրափակիչ փուլը

«Dasaran.am» կրթական ծրագիրը, որի առաքելությունն է զարգացնել Հայաստանի կրթական ոլորտն ու նպաստել գիտելիքահեն պետության կայացմանը,  2013/2014 ուսումնական տարեսկզբին գործարկել է աշակերտների առաջադիմության խրախուսման նոր համակարգ, որի նպատակն է խթանել աշակերտների սերն  ուսման հանդեպ և տարեվերջին հնարավորություն ընձեռել նրանց մասնակցելու «DUEL Plus» նոր ինտելեկտուալ օլիմպիադային` մարտահրավեր նետելով իրենց հասակակիցներին և մրցելով տարվա ընթացքում ձեռք բերած գիտելիքներով:

 

Այդպիսով «Dasaran.am» կրթական ծրագիրը հավասար հնարավորություններ է ընձեռում Երևանում և ՀՀ մարզերի այլ քաղաքներում ու գյուղերում, ինչպես նաև Արցախում սովորող աշակերտներին` կարևորելով ազատ և արդար մրցակցությունը:

 

«DUEL Plus» ինտելեկտուալ օլիմպիադան անցկացվում է երկու փուլով և նախատեսված է 4 տարիքային խմբերի համար (2-3-րդ, 4-6-րդ, 7-9-րդ և 10-12-րդ դասարաններ): Մրցույթի ընթացքում մասնակիցները պատասխանում են ընդհանուր զարգացվածության և դպրոցական դասագրքերի հիման վրա ստեղծված հարցաշարերին, իսկ լավագույնները մրցույթի ավարտին պարգևատրվում են բազմաթիվ մրցանակներով:

 

Բավականին թեժ պայքարում ընթացավ յուրաքանչյուր տարիքային խմբի մասնակիցների միչև պայքարը, որոնց ոգևորելու էին եկել ծնողները, ընկերները, քույրերը և եղբայրները:

 

Այսպիսով Ձեր ուշադրությանն ենք ներկայացնում 2013-2014 ուսումնական տարվա յուրաքանչյուր տարիքային խմբի հաղթող մասնակցին.

 

2-3 դասարանների տարիքային խմբի հաղթող ճանաչվեց ք. Վաղարշապատի թիվ 4-րդ դպրոցի 3-դ դասարանի աշակերտ Վահան Սարգսյանը:

 

4-6 դասարանների տարիքային խմբի վիկտորինայի հաղթող դարձավ ք. Գյումրու «Ֆոտոն» վարժարանի 6-ա դասարանի աշակերտ Գրիգոր Պետրոսյանը:

 

7-9 դասարանների տարիքային խմբի վիկտորինայի հաղթող դարձավ ք. Վանաձորի թիվ 4 դպրոցի 9-բ դասարանի աշակերտ Վոլոդյա Մազմանյանը:

 

10-12 դասարանների տարիքային խմբի վիկտորինայի հաղթող դարձավ ք. Գյումրու «Ֆոտոն» վարժարանի 10 ֆիզմաթ-1 դասարանի աշակերտ Դավիթ Մխոյանը: