«Հրաժեշտ Այբբենարանին»

Երեխաների գրավիչ և հեքիաթային հանդերձները, նրանց աշխույժ երգն ու պարը, բեմական գունեղ ձևավորումը բոլորին տեղափոխել էին մի հեքիաթային աշխարհ: Որքա՜ն ուրախ էին ծնողներն ու ուսուցիչները. չէ՞, որ իրենց երեխաներն արդեն տառաճանաչ են:

Փոքրիկ դերասանները անկաշկանդ ելույթ ունեցան և արժանացան ջերմ ծափահարությունների:

 

4-րդ ա դասարանի աշակերտները ևս ավարտական ցերեկույթ էին կազմակերպել: Միջոցառումը անցկացվեց դպրոցի «Փառքի սրահ»-ում  կազմակերպչական բարձր մակարդակով և կատարյալ վարպետությամբ: Այն հագեցած էր բանաստեղծություններով, բեմականացումներով և պարային ներկայացումներով:

 

Շատ գեղեցիկ էր «Փառքի սրահի» ընդհանուր տեսքը, աշակերտների բեմական հագուստները: Բարձր էր տրամադրությունը թե աշակերտների և թե հանդիսատեսի մոտ:

 

Միջոցառման ավարտից հետո հնչեցին բուռն ծափահարություններ և շնորհավորական խոսքեր: Այնքան հուզիչ էր պահը, որ դասվարը նույնիսկ չկարողացավ զսպել իր արցունքները:

 

Ծնողները, տատիկներն ու պապիկները վստահ են, որ այս կրթօջախում իրենց երեխաները շրջապատված են սիրով, ջերմությամբ և հոգատարությամբ: